La telefonata! - Una breve piccola pièce un po' sacra e un po' profana. Dedicata a Don Giuseppe parroco del Santissimo Salvatore di Pompei.

Don Giuse', e allora...?

Allora che?

Dico: Don Giuseppe, "e allora?" mo' che vulit^e fa'?.

Ma c'aggia fa' che...?

Don Giuse' nun pazziamm^o... Io sono venuto a vederlo 'o spettacolo re' criature... e allora?

Ne'... Io veramente nun capisco ca bbuò ricere... Si' venuto... taggiu visto a te e a mugliereta... e so' cuntent^o...! t'é piaciuto?

Sì, m'é piaciuto... sti' criature so' verament^e aggrazziat^e assaje...! dunque?

Ma io veramente mo' nun saccio che vaje truvann^o... si te spieghi forze capisco...

Don Giuse', ma vuj^e ve sit^e scurdat^o overamente, o facit^e fint^a 'e niente?

Ma chest^e so' cos'e pazzⁱ!: io veramente nun capisco che bbuò ricer^e

Sabato... vuie che dicistev^e? nun v’ho ricurdat^e chiù…? ca' io giovedí aveva veni' a senter^e 'o parrucchian^o 'e Pimonte... ca po' vuj^e avarrissev^e chiamato a San Gennaro pe' ce dicer^e c^a aveva perder^e o' Napule pecchè io nunn’er^o venut^o.... ll’eva fa vencer^e pecchè ce stevo...

Ma io veramente nun me facci^o capac^e e chill^o che stai ricenn^o... io stevo pazzianno… e se capisce… ll’hanno capit^o tutt^e quant^e! Io po’… ma putev^a mai essere ca chiammav^o a San Gennaro pe’ ‘na cosa accussì… ma po' essere mai chesto...? Ma faie overo?... io aggi^o ditt^o tant^o pe’ dicer^e… a tutte quante ca stavate rint^o a cchiesa... Ma pecchè se ponno chiammà e Sant^e…?

 

Chest^o po’ io n’unn-ho pozz^o sape’…. Site vuj^e ‘o parrucchian^o… Inzomm^a Don Giuse', e ve l'aggi^o ritt^o... nun pazziamm^o... putimm^o pazziá su tutt^e cos^e ma non 'ncopp^a 'o Napule... Vuj^e quann^o avit^e parlato avit^e guardat^o ‘n-faccia a mme! L'avit^e ritt^o a mme c'aveva vení giuvedí a sera...

Ma ch'e capito? Ma che vaje ricenn^o...? Ma comme io ricevo 'na cos^a e chesta? Ll'aggio fatto pe' rirer^e...

Don Giuse'.. Io nunn'aggiu riso sabbat^o e nun sto' rerenn^o mo'... io vaggi^u vist^o bbuono!

Ma che hai visto...?

Io v'aggi^o vist^o... Vuj^e sit^e trasut^o... trament^e c’o parrucchian^o stev^a parlann^o... m'avit^e guardat^o 'n-faccia ca io stev^o assettato rint^a 'o scranno, avit^e fatt^o pure accussì c'a capa... avit^e pigliat^o 'o telefono e ll'avite chiammat^o... e se capisce che San Gennaro ha fatto propet^o cumm^e ll'avit^e ritt^o vuj^e... v'é stat^o a senter^e... 'o Napule ha vinciut^o...! Ha jucat' na mieza chiaveca ma ha venciut^o.... Basta ca venc^e jucasse comme vo'... io aggi^o vist^o bbuono! Avit^e fatt^o 'nu sacc^o 'e nummer^e rint^a 'o cellulare... e pe' forza, chissá sul' 'o prefisso ro' Paravis^o cumme sarrá luongo!

Embeh, nun si cuntento? Aggio 'nduvinato!

No-no Don Giuse', vuje nunn'avit^e 'nduvinat^o: vuj^e avit^e chiammat^o!

Uèh! Ma tu over^o faj^e…?Ma che staj^e ricenn^o... ma inzomma, a vuo' ferní? E tu accussì me pare nu pazzo... me fai pigliá paura... e a chi avess^e chiammat^o?

Ma comm^e “a chi avissev^e chiammat^o...”? avit^e chiammat^o a San Gennaro! E mo' m'arraccumann^o.... lunedì ce sta na partita fetent^e assaje...! Don Giuse'... ce sta 'a Giuventús... a coppa supér.... don Giuse'... nuie simm^e' venutⁱ... nun v’o scurdat^e! Avimm^o fatto comm'avit^e ritt^o vuj^e... e pirciò vuj^e mo' avita chiammá... nun me facite scherzi ca me purtat^e 'ncopp^a 'a cuscienza... Don Giuse' stong^o inn^e mmmanⁱ voste...! 'A famiglia mia sta inn^e mmmanⁱ voste...!  pur' 'o can' sta inn^e mmmanⁱ voste...!  Sentit^e a mme, chiammat^e mo-mo stiss^o... 'nu juorn^o primma... è meglio… ca nun se sap^e mai... V'avissev^a distrarre... v'avissev^a scurdá... facitem^e stá cuieto...!

Immagini: fonte Web - Google images